اسلام آباد (4 ستمبر 2025): فیڈرل بورڈ آف ریونیو (ایف بی آر) نے اسمگل شدہ گاڑیوں کو غیر قانونی طور پر ریگولرائز کرنے میں ملوث اپنے افسران اور اہلکاروں کے خلاف بڑی کارروائی کرتے ہوئے ایک ڈپٹی کلکٹر اور اسسٹنٹ کلکٹر کو معطل کردیا۔
پس منظر
سال 2021 میں اسمگل شدہ اور نیلام شدہ گاڑیوں کے غلط استعمال کی روک تھام کے لیے آکشن ماڈیول متعارف کرایا گیا تھا، جس کے ذریعے گاڑیوں کی تفصیلات آن لائن تصدیق کی جا سکتی تھیں۔
جولائی 2025 میں اس ماڈیول کے غلط استعمال کی رپورٹس سامنے آئیں۔
جانچ پڑتال میں انکشاف ہوا کہ 1,909 گاڑیوں کا ریکارڈ اپ لوڈ کیا گیا، جن میں سے 103 گاڑیاں جعلی یوزر آئی ڈیز کے ذریعے سسٹم میں شامل کی گئیں۔
انکشافات اور کارروائیاں
43 اسمگل شدہ گاڑیاں پہلے ہی موٹر رجسٹریشن اتھارٹیز کے ذریعے غیر قانونی طور پر رجسٹرڈ کی جا چکی تھیں۔
ایف بی آر کے ڈیجیٹل آڈٹ اور انٹرنل انویسٹی گیشن میں یہ ہیرا پھیری سامنے آئی۔
9 جولائی 2025 کو ڈپٹی کلکٹر اور اسسٹنٹ کلکٹر کو معطل کردیا گیا۔
تحقیقات اور گرفتاریاں
واقعے میں موٹر رجسٹریشن اتھارٹیز کے افسران اور کار ڈیلرز بھی ملوث نکلے۔
9 جولائی کو ایک مشترکہ تحقیقاتی کمیٹی (جے آئی ٹی) تشکیل دی گئی جس میں ایف آئی اے، کسٹمز اور انٹیلی جنس ایجنسیوں کے سینئر افسران شامل تھے۔
ایف آئی اے نے تحقیقات کے بعد ملوث افسران کے خلاف 7 ایف آئی آر درج کیں اور اب تک 13 افراد کو گرفتار کیا جا چکا ہے۔
ایف بی آر کا مؤقف
ایف بی آر ترجمان کا کہنا ہے کہ:
شفافیت اور ادارہ جاتی احتساب اولین ترجیحات ہیں۔
ادارے کے اندر موجود بدعنوان عناصر کو ہرگز برداشت نہیں کیا جائے گا۔
ملوث افراد کے خلاف مزید قانونی کارروائی جاری رہے گی۔
