واشنگٹن (26ستمبر 2025): وزیر اعظم محمد شہباز شریف اور امریکی صدر ڈونلڈ ٹرمپ کی وائٹ ہائوس کے اوول آفس میں ملاقات ہوئی۔
تفصیلات کے مطابق وزیر اعظم محمد شہباز شریف اور امریکی صدر ڈونلڈ ٹرمپ کی وائٹ ہائوس کے اوول آفس میں ملاقات ہوئی اس موقعے پر آرمی چیف فیلڈ مارشل سید عاصم منیر بھی ملاقات میں موجود تھے، یہ ملاقات ایک گھنٹے 20 منٹ تک جاری رہی۔
وزیر اعظم آفس کے میڈیا ونگ کی طرف سے جاری بیان کے مطابق ملاقات خوشگوار ماحول میں ہوئی، اس ملاقات میں امریکی نائب صدر جے ڈی وینس اور سیکریٹری آف سٹیٹ مارکو روبیو بھی شریک تھے۔
ملاقات میں دوطرفہ مفادات کے امور پر تبادلہ خیال کیا گیا اور علاقائی و بین الاقوامی مسائل پر آراء کا تبادلہ ہو، ملاقات سے قبل صدر ٹرمپ نے وزیراعظم شہباز شریف اور فیلڈ مارشل سید عاصم منیر کی پاکستان کی قیادت کے انداز کی تعریف کی۔
