کوئٹہ/کراچی: عید میلاد النبی ﷺ اور یومِ دفاع کے موقع پر بلوچستان اور سندھ میں ایک ساتھ تین دن کی تعطیلات ہوں گی۔
بلوچستان میں عام تعطیلات کا اعلان
محکمہ سروسز اینڈ جنرل ایڈمنسٹریشن حکومت بلوچستان کے اعلامیے کے مطابق:
5 اور 6 ستمبر (جمعہ اور ہفتہ) کو 12 ربیع الاول 1447 ہجری کے موقع پر عام تعطیل ہوگی۔
7 ستمبر (اتوار) کو ہفتہ وار تعطیل ہوگی۔
یوں صوبے بھر میں تین دن مسلسل تعطیلات ہوں گی۔ تاہم ایمرجنسی اور لازمی سروسز سے وابستہ افسران و اہلکار اپنی ڈیوٹیز انجام دیتے رہیں گے۔
سندھ میں بھی تین چھٹیاں
سندھ حکومت نے بھی یومِ دفاع اور عید میلاد النبی ﷺ کے موقع پر تعطیلات کا نوٹیفکیشن جاری کر دیا ہے:
5 اور 6 ستمبر (جمعہ اور ہفتہ) کو عام تعطیل ہوگی۔
7 ستمبر (اتوار) کو معمول کی ہفتہ وار تعطیل ہوگی۔
یوں سندھ کے عوام کو بھی تین دن کی طویل تعطیلات میسر آئیں گی۔
وفاق اور پنجاب کا اعلان
اس سے قبل وفاقی اور پنجاب حکومتیں بھی عید میلاد النبی ﷺ کی تعطیل کا اعلان کر چکی ہیں۔
وفاقی کابینہ ڈویژن کے مطابق 6 ستمبر (12 ربیع الاول) کو عام تعطیل ہوگی۔
پنجاب حکومت نے بھی اسی روز صوبے بھر میں چھٹی کا نوٹیفکیشن جاری کیا ہے۔
تمام سرکاری دفاتر اور ادارے بند رہیں گے، البتہ ہسپتالوں میں صرف ایمرجنسی سروسز فراہم کی جائیں گی جبکہ او پی ڈیز بند ہوں گی۔
عید میلاد النبی ﷺ کی تیاریاں
پاکستان سمیت دنیا بھر میں عید میلاد النبی ﷺ کی آمد کی تیاریاں زور و شور سے جاری ہیں۔ ہر سال کی طرح اس بار بھی ملک بھر میں جلوس، محافل میلاد اور روحانی اجتماعات منعقد کیے جائیں گے۔
اگلے رمضان المبارک کی پیشگوئی
متحدہ عرب امارات کے فلکیاتی مرکز کے مطابق رمضان المبارک 1447 ہجری کا آغاز 18 فروری 2026 سے متوقع ہے، جبکہ عید الفطر 19 مارچ 2026 کو ہونے کا امکان ہے۔
