کراچی (18 ستمبر 2025): محکمہ موسمیات نے پیشگوئی کی ہے کہ آج شہر قائد میں صبح اور رات کے اوقات میں بونداباندی اور ہلکی بارش کا امکان ہے۔
محکمہ موسمیات کے مطابق دن کے وقت چلچلاتی دھوپ کے ساتھ مطلع جزوی طور پر ابر آلود اور موسم مرطوب رہے گا، جبکہ مغربی سمت سے 11 کلو میٹر فی گھنٹہ کی رفتار سے ہوائیں چل رہی ہیں۔
محکمہ موسمیات کا کہنا ہے کہ شہر کا کم سے کم درجہ حرارت 26 ڈگری سینٹی گریڈ ریکارڈ کیا گیا جبکہ زیادہ سے زیادہ درجہ حرارت 33 ڈگری سینٹی گریڈ رہنے کا امکان ہے۔ ہوا میں نمی کا تناسب اس وقت 85 فیصد نوٹ کیا گیا ہے۔
یعنی آج کراچی کے شہریوں کو گرمی کے ساتھ ساتھ ہلکی بارش کا بھی سامنا ہوسکتا ہے۔ 🌧️☀️
